蠲痹湯

呢一日,撞到一位好多年冇見嘅朋友阿貓。其實阿貓係我哋幫佢改嘅,因為佢嘅英文名叫Catherine, 譯返中文就係嘉芙蓮。最近呢幾年流行縮寫同縮叫,於是縮叫佢做阿Cat,叫叫下,索性改改叫廣東話:阿貓。

咁多年冇見,撞到佢梗係要 hug下。點知hug過之後,佢眉頭皺曬,我即刻問咩事啦,佢話兩邊膊頭同手臂好痛,睇咗好幾個中西醫都唔好,正話先睇咗朋友介紹嘅呢個中醫,執咗3日藥。包包都好大包。

shoulder pain2難得見返面,我哋於是去附近飲茶。坐低之後,我叫佢畀張藥單過我睇。一睇,嘩,嚇死人,仲多過24味。我叫佢飲完之後,若果仲痛嘅話,就打電話畀我,我會幫佢諗下。

飲完茶,各自歸家。我估阿貓會喺一個禮拜之後,就會打電話畀我,事關我睇過張藥方,我確定冇效。因為藥方有成28種藥,有醫感冒嘅,亦有醫痛症嘅。咁多種藥放埋一齊煲,又點會有效呢!其實呀,每種藥都有佢嘅特性同效果,夾得好就彼此互補不足,夾得唔好就變成互相排斥。 何況貓女,睇樣貌好風韻,論年紀已經六十幾,身體出現煩痛係必然。點知第三日,貓女就打電話嚟嘞。我約佢去港島北角飲茶,同佢解釋痛症成因,同時叫佢做多啲運動,最好就係游水,冇跟埋啲人去行山,我話你呢個年紀冇監硬嚟,行山絕對不適宜。飲完茶,我就同佢過去華豐國貨公司買藥:蠲痹湯。

兩日之後,收到阿貓whatsapp,佢話冇咁痛,起碼著衫時候輕鬆咗好多。 (撰文:賈醫師)

蠲痹湯方劑來源:《嚴氏濟生方》

《蠲痹湯》方劑

蠲 – 音:(粵音讀「眷」;國語注音:ㄐㄩㄢ;漢語拼音:juān)
       解:免除。如:「蠲免」、「蠲除」。

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google photo

您的留言將使用 Google 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s