一切都好「詭異」

just-chatting

鍾長江:

鞋…..

講起來真係千言萬語,重慘過對住心中的「仲文」訴心聲,唔知要點開口好。

當年,因為人細但係讀書早,同好多比我大好多嘅同學讀埋一班。其中好多係「毛乜久」嘅忠誠擁躉, 學人話齋, 英勇的保衛佢嘅阿祖國,走去金邊攪革命,直到 1975 年, 4 月 30 之後,先從金邊回來,先至開眼,佢哋重慘,真正係家破人亡,冇人敢近,最後終日飲到醉fing fing ,未到五十就嗚呼哀哉。

而在1975 年之前十多年,我一位三年班嘅同班,比我大好多嘅同學蘇業志,就戰死沙塲,,成為第一個在南越軍中犧牲的唐人子弟,你話呢啲嘢點解釋?又點可忍住唔彫佢個老尾吖? ── 今日,幾十年後,每個人都老到就嚟去賣鹹鴨蛋,但係有啲人頭豬腦,幾十歲人,臨到死,連是非黑白都分唔清,重矇盛盛,一碌乜嘢咁,你說唔發火點得?

別了越南
別了越南

侯思傑:

也是我懶之過,沒給《越戰的詭異》作一個「按語」。本來梁永權校友的這篇文,他寫來的標題是「越戰的故事」,是寫給我用作「校友年鑑」的。因為「年鑑」取消了,所以當收到之後,我便把文舖上網。雖然梁學長立論是值得商榷,但基於校網是個民主的廣場,任何人都可以表示自己的觀點,而校網是要容納不同意見的大原則,所以我才刊等。

我說沒給文章附上一個「按語」,是因為之前不久,看過50年之後美國官方的解密資料後,才發現越戰的結果不應是1975年的版本。原來早在之前,聯軍氣勢如虹,根本可以將對方全面殲滅,只因美國出現「水門事件」致令美國國內勾起連串黨爭,令形勢出現變化,讓對方乘勢而起。

如果沒有「水門事件」,或許兄台及其他人不用離鄉別井。然而,很不幸,歷史從來是沒有「如果」!

也好,因這個「詭異」,不妨讓我們探討這場鬼哭神號的戰爭的起始,為甚麼會造成了上世紀的人類大災難,而我們又是這場災難的見證者。

讓我整理好兄傳來的資料,加上我所搜集的,作系統性的舖在網上。若其他校友也有其他資料的,也傳來或寫出你的「所見、所聞、所思」傳來,集合更多訊息以豐富這個「詭異」,也是對這段人類悲慟的歷史而作的一個呼應。

戰火中的孩子很可愛!

2 Comments

  1. 有好多嘢, 真係好似俗語話齋 “越描就越黑", 但係有時如果唔 “瞄", 佢重會黑過墨斗.
    所以明知如果現在,再東聲明, 西聲明, 好容易成咗非洲和尚,踎臭定, 都要噏幾句.

    呢幾行嘢, 我記過好似係先一排,因為私人介紹兩本關於越戰嘅書畀你,加埋在越南嗰二十多年嘅所見所聞, 故而一時谷氣, 順手就鼠咗呢個主題嚟用, 實在唔係對呢篇文章有乜意見. 事關美國佬在呢場仗中, 確係做咗好多鬼鬼鼠鼠唔見得人嘅嘢.所以如果我一時在私下鬧生晒, 有令到 作 “越戰的詭異" 的校友有任何不快, 在此特別致歉 !
    但講番又講, 點解我會介紹嗰兩本書畀侯老 “歹", 在踎茶檯,飲咖啡之後, 加壺淡茶私下再 “巴啦巴啦"之際, 會有咁大火呢 ?越戰都結束咗成 42年咯,本來都應該冇乜所謂"想當年 “啲事後孔明嘅囉嗦啦. 但係,事實上, 呢場仗嘅結果, 依然影响到每一個南越嘅唐人, 無論還在越南生活與否. 甚至依然影響到好多世人,嘅思想.
    — 忽聞召集令,咁就理應先為 “個"家, 下回繼續巴啦.請恕鄙人則個 !

  2. (下集 … 似結局)
    所謂 68年代嘅反戰言論, 至今天, 四十幾近五十年後,各種, 各類嘅呢啲論, 嗰啲論依然横行世上, 向世人投毒. 而冇人冷靜, 用心去探討吓, 點解無端端會爆出塲咁嘅戰爭出嚟. 1954, 日內瓦會議係邊幾條友 “隆重簽訂",之後係百萬北越人南跑抑或南越人民往北 “回歸"? 在美國佬未插手之前, 係唔係南越忽然黐咗線, 無喇喇拉炮,操兵出去打北越 ? 殺人放火掟炸藥包 ? 所以畀個 “國際無産的革命運動"夾手夾脚, 打到死無葬身之地呢 ? 連帶嗰哋 “反動嘅大毒草"嘅唐人都話要消滅埋, 絕不手軟吖 ?抄家打資產, 半夜入屋用衝鋒槍篤住, 押晒一家老少去 “新經濟區嘅, 係因乜嘢罪? 在 50年代末就埋藏在各段公路上嘅地雷, 爆死咗幾多個賣國賊, 美帝嘅走狗 ?,抑或全是升斗市民 ? 哦, 殘殺小民就叫解放革命, 而追緝, 搜捕班恐怖份子, 殺人罪犯就係反動, 賣國,係外國走狗, 咁, 用俄制機槍成披掃射處死, 用"國産鋤頭"來鋤斷個頭,消滅手無寸鐵, 甚至生葬嘅手無寸鐵平民, 呢味嘢又叫乜 ? 或者時髦啲, Update啲, 叫做 ISIS係…馬 ?當年剿滅恐怖分子以保護人民就係錯, 今日對班亂掟炸彈,恐襲嗰班自稱 “回教國" 嘅嘅怖恐死仔, 立即就地正法,就人人拍爛手扳叫好, 同樣動機,同樣行動, 同樣悲慘嘅結果, 點解唔同樣處理, 乜嘢理論 ?
    我兩個同學嘅死, 並非稀罕事件, 人人都有親身體驗, 面對啲咁嘅慘劇, 唔用自己個頭嚟諗, 反去信嗰班踎喺 “金字塔" 裏便, 吹足大麻, 然後怱發奇想, 諗出嗰啲荒荒唐唐學說嘅 嬉皮"學究".以前就話年幼無知, 而家都白晒頭, 彎晒腰重係咁諗 ???
    是以要大力拍茶枱, 而麻麻聲也 !
    連杯茶都苦到飲唔落口 !

發表迴響

在下方填入你的資料或按右方圖示以社群網站登入:

WordPress.com 標誌

您的留言將使用 WordPress.com 帳號。 登出 /  變更 )

Google photo

您的留言將使用 Google 帳號。 登出 /  變更 )

Twitter picture

您的留言將使用 Twitter 帳號。 登出 /  變更 )

Facebook照片

您的留言將使用 Facebook 帳號。 登出 /  變更 )

連結到 %s