新同舊嘅價值 / 鍾長江

喂，大哥，陳年舊事先至係最正呀，嗱，陳皮越舊越正，陳年老酒更加值錢，喺個腦摷返出嚟，邊飲雪啡邊享受，人生最佳享受呀！ 

舊時嗰啲發霉嘅所謂 「少年的我」啲嘢，其實唔係真係咁好打架咋 !

講乜嘢 「陳年舊事先至係最正呀」，舊嘢只合帶入當鋪，或者擺舊貨攤，鑑平鑑賤賣得就賣。賣唔得，就只有丟落垃圾桶，黃石公 : 一掃光去也！– – 唔好講我哋呢啲，厚顏，黑顏，面無顔色嘅老傢伙啦，就連各位紅顔，花容，都嘆曰：哎吔 ！人老珠黃不值錢啦！

再講吖，故然「陳皮越舊越正，陳年老酒更加值錢」，但係麵包，餅乾，連米都係新嘅先至香啦，唔聽見咩：新娘，新裝，連個五千年嘅古國都要改名，加多個「新」字行頭，先夠威……吖馬！

只不過，我好想念「舊時」的「新會學校」，與及古老的「新街市」也。連帶舊街市，五支燈嗰度嘅天地人中藥鋪，燒臘店，羣羣麵包檔與及街邊啲彫圖章，修理鐘錶檔口，當然重有，早晨在福建中學天台上做體操的各位舊日「仲文」添！

 哦 ── 原來一切都係「仲文」。但 ── 新「仲文」縱使靚到“dum” 一聲，都係唔及得舊日「仲文」㗎，若果「新」真係咁值錢，你又點會咁辛苦、氣勞氣喘，一步一步咁捱上去福建學校天台度 舊日「仲文」呢？你估仲係十八廿二咩！