上集講到侯老大駁口曰：
– 喂，鍾大哥，叫得平西張仲文，即係我地叫EE啦，仲加埋夢露罌涕，
係老豆果背既sex synbol，同我地冇乜緣份，果陣時冇咁膽大包天，不過，隔多兩年，鬼大左， 喺美英英文書院讀，樓下間茶檯請左個EE做招待，搞到我每個鐘頭都去食野飲野，好似生積兼口腔活躍期咁。講起茶檯，又令我記返起好多野。同慶道麗都戲院側邊有條街，近海皮嗰頭，有間「聰明人」，個樣好酒吧，哈，我竟然喺度撞到…喂，得閒講下茶檯野都好喎，就去你平西仲文EE嗰間啦！……(引)
趁咖啡重熱， 鄙人連忙接口 :
B) 話說見到侯老大捉字蝨， 誣陷我位女同學的大姊係 E E輩， 非常悲忿， 該位姐姐雖然係比我哋大，但都未夠成為E E 吖！ 夾硬叫人做阿姨， 實在有啲所謂「年齡敏感綜合症」之初期病癥。要check吓喇！
當年， 我聽街坊嗰班老大哥咁心儀該位阿姐，所以放學之後， 特登走過學校對面， 企喺茶擡門口，「勾 」個頭裝吓， 果然如是。重靚過佢個妹， 即 「我的同學」！── 但係多年後才明白， 其實呢位女同學， 只因當年還是「黃毛丫頭」， 未有所謂魅力。後來佢亭亭玉立，比佢嗰位仲文姊姊還靚多多， 拍得住另一位女同學 (佢家亦在梅春賞街，與 」張仲文」大姐家的茶檯打對角， 即賣米較機器的「中原」是也)。
後來， 畢業之後， 我就越讀越遠， 雖然依然家住平西， 但都冇幾可在平西啲茶檯泵泵轉了。
鞋，呢哋嘢， 講起嚟， 都已經係近一甲子之前嘅陳年舊事咯！
仲文大姐及其妹 ── 我的同學平安否 ？
所謂前塵往事， 諗番起， 亦賺添傷神也！
是耶 ？ 匪是耶 ？
重拾過去的認知 走向嶄新的時代 尋覓歷史的靈光 
鍾大哥，我冇「年齡敏感」，又冇「年齡歧視」，聽你再講下集先知道小仲文當時仲未夠秤，咁就要怪兄/叔/伯/爺輩嘞，佢哋日諗夜諗都係充滿女人元素嘅張仲文，然後將呢啲元素投射落去個靚妹度，哎呀，咁就大件事啦……
喂，大哥，陳年舊事先至係最正呀，嗱，陳皮越舊越正，陳年老酒更加值錢，喺個腦摷返出嚟，邊飲雪啡邊享受，人生最佳享受呀！
讚讚
阿大佬,
舊時嗰啲發霉嘅所謂 “少年的我" 哋嘢, 其實唔係真係咁好打架咋 !
講乜嘢 “陳年舊事先至係最正呀", 舊嘢只合帶入當鋪, 或者擺舊貨攤, 鑑平鑑賤賣得就賣, 賣唔得, 就只有丟落垃圾桶,黃石公 : 一掃光去也!– – 唔好講我哋呢啲, 厚顏, 黑顏, 面無顔色嘅老傢伙啦, 就連各位紅顔, 花容,都嘆曰 : 哎吔 ! 人老珠黃不值錢 啦 !
再講吖, 故然 “陳皮越舊越正, 陳年老酒更加值錢", 但係麵包, 餅乾, 連米都係新嘅先至香啦, 唔聽見咩 : 新娘, 新裝, 連個五千年嘅古國都要改名, 加多個 “新"字行頭, 先夠威 ….. 吖馬 !
只不過, 我好想念"舊時" 的 “新會學校", 與及古老的 “新街市" 也. 連帶 舊街市, 五枝燈嗰度嘅天地人中藥鋪, 燒臘店, 羣羣麵包檔與及街邊啲彫圖章, 修理鐘錶檔口. 當然重有, 早晨在福建中學天台上做體操的各位舊日 “仲文 “添 !
讚Liked by 1 person