先兩日，自口痕宣佈聲援侯老大，以實行 「勇敢的負起歷史的使命，堅定立場」， 「大力」 打擊香港 「的」賣咖啡 「的」落後「的」制度， 以發揮以前越南茶檯優良「的」 咖啡「的」品質和他們「的」賣咖啡「的」先進的制度「的」優越性「的」 A)計畫之後，(先進的雞腸文的句法)，就口停手停，要到今日先正再來報到，繼續未完成的飲咖啡打牙較的艱難的大時代的任務。(此乃連發幾的之謂也)
並非因為有人問到， 鄙人就特登釣起嚟賣，唔肯繼續發表偉論，實在另有隱情，請容在下一一細禀
* 話說， 自從去年秋， 連個拉仔都離家去讀書之後， 本宅就剩下兩個老傢伙，唔洗求神問卜， 引經據典， 係人都諗到，邊個先係 「掌握話語權」 啦。 一個人， 尤其係雄性老柴， 撈到咁嘅地步， 都會身不由己，連清宮連續劇裏便嗰啲 「老奴才」見到， 怕都會擰擰頭，因為唔只要做近身，跟班，連車伕， 搬運工都要撈埋， 重要二十四小時督值嗰種， 除時準備向敵人發起决定性的攻擊， 完成乜乜大業。
故此， 就冇到茶檯， 插把嘴參加「巴啦」會戰咗幾日。
閒話休提，依家係 B)段之正傳。 正當此時， 耳畔忽聞召集令， 係有緊急軍情嗰隻， 便仰天長嘆一聲， 忙放低杯剛冲好之雪啡， 帶齊架撑， 奔赴戰場去也 !!
忽然憶起舊日聽過之粤曲 : 男兒為 「個」家，離心兩地掛……杯咖啡奶…… (唔記得係乜名)。鞋……
重拾過去的認知 走向嶄新的時代 尋覓歷史的靈光 