臺灣金馬獎年青導演齊柏林，為拍攝《看見臺灣II》，不幸墜機罹難，我和許多人一樣，心感哀痛。
當我第一次接觸齊柏林的名字時，我立即聯想到兩個相同的名字，1960年代英國重金屬搖滾樂隊“Led Zeppelin”以及德國的「齊柏林飛船」，同時讓我想起讀過的「興登堡號(Hindenburg)飛船」的災難。
寫以下的文字只是以欄目的名稱「互思聯想」切入核心，對離世者的名字沒有半點不敬！
齊柏林
起初對導演齊柏林的名字感到好奇，是因為他既姓齊，又取名柏林，我覺得取這樣的一個名字不是國人的習慣，於是「八卦」的去查究，原來是他父親去請教過堪輿學家之後，取了這個名字。顯然地，取這個名字跟德國首都柏林或德國飛船齊柏林全無關係，卻關切到臺灣的土地上。
柏是植物的總稱。柏木樹的姿態很端莊，適應性很強，容易栽種。樹的紋理細密且質堅，是上乘材料。因此齊父給兒子取名「柏林」，就是希望兒子長大後成好像臺灣出產的柏樹林木一樣的出色。所以，他才會有《看見臺灣》的壯志凌霄的抱負。
Led Zeppelin 齊柏林樂隊
仍在越南的時候，我是貓王皮禮士利、奇理夫李察的歌迷，之後，才被新的音樂吸引。1964年，英國有許多樂隊如雨後春筍的出現，如披頭四、滾石樂隊等，標誌著戰後新生代已經成長，他們將傳統歐西流行歌曲改變，成為街頭抗議音樂的一種，像今天年青人在街頭跳街舞那樣，改變了拘謹的生活，引領年輕人走向一個崇尚自由的新世界。其中一隊樂隊 The Yardbirds，因成員和公司內部有所變動，於是改名為「齊柏林飛船」Led Zeppelin樂隊。
樂隊的結他手Jimmy Page獲得21世紀最偉大結他手的殊榮。而主音歌手Robert Plant 在1968年閱讀了一本書《魔戒》“The Lord of the Rings”，令他得著靈感，創作了一首反戰歌曲“Battle of Evermore”。前幾年，《魔戒》拍成電影後，這首歌也成為電影的歌曲。
興登堡飛船
航空史上最偉大的開創性發明無疑是德國的齊柏林飛船。1930年代，當飛船發展到巔峰狀態時，「興登堡號」飛船於1937年飛到美國新澤西州上空，準備降落時，卻發生意外，失火墜毀，造成幾十人傷亡。自此飛船的整個產業一樂千丈，甚至完全沒落，取而代之的是新興的民航飛機。
(侯思傑)
興登堡飛船的災難現場：
https://www.youtube.com/watch?v=CgWHbpMVQ1U
The Hearts 樂隊演繹The battle of evermore：
https://www.youtube.com/watch?v=wShmbjqP3WU
重拾過去的認知 走向嶄新的時代 尋覓歷史的靈光 
自十日八日前在舖頭修好個老爺電腦之後, 頓覺人生不再無聊, 雖然正當炎 夏, 依然覺得好似春回大地咁, 雖則未至 “春心盪漾", 但係心情因此而一片大好,確實少咗好多 “家嘈屋閉",事關有番個電腦, 就終日瞠(此字在此應讀Döng 1 音, 是瞪大雙眼實的意思..煩請侯老大考究一下)住個電腦嚟過日辰, 自然就四方平靜, 主上殿寢也.
拜讀呢兩篇文章之後, 忽然發覺, 作者都算慳皮,竟然可以一石幾隻空中之窵鳥, 由 :小時候的縈繞心頭, 而至台灣剛故世嘅導演,再哪哪到年鑑, 轉個彎駁過去唱班鬼佬樂隊, 拉尾重撘埋講隻"燒壞瓦" 嘅德國飛船, 古今中外,情理並茂,一心幾用, 直情犀利過周伯通,你都咪話唔好打也.
未知侯大俠幾時開山立派, 以便帶歇一班 “我手揾我口" 嘅老學友,可以撈番個師伯師叔做吓呢 ?
是為坐茶檯, 飲咖啡打牙較之謂也 !
讚讚
飲咖啡太快, 濁親.
Ba-la, ba-la 發表鄙人意見之後, 發覺有幾個字被開了天窗, 令到內容有啲蒙矇哋,故此要噏多兩句, 以正視聽 :
1)其中…." 是瞪大雙眼實的意思: 這是個 “目+及" 字, 讀 “及" 音, 用眼睛跟蹤的意思,
2)….." 再哪哪到年鑑.." : 這兩個是 “口+能",讀 Nang3音,哪哪 即係牽藤引葛,勾勾搭搭之意.
又 : 主上殿寢也. : 老矇咗,頭腦不清, — 應為 : 奠枕.
讚讚
70歲人成日都中意還童，還返7歲都唔肯，仲係要將7歲減半變成3歲零，因為呢個歲數係最容易語無論次，呢單未完又走去第二單。
幾時去茶檯坐低打下牙較，隨時啦，即刻就去啦。記唔記得學校後便間玻璃屎隔離有間茶檯呀？係我地同班同學蔣麗蓉屋企開嘅，喺嗰度打躉，我叫個雪底，你叫個雪啡，坐足一朝打牙較，打到攰嘛返你個殿寢奠枕囉。
讚讚
一聽你叫聲大俠，成個人春心盪漾過你。但，諗一諗，唔知你用廣東話叫大俠定係用國語音叫，事關國語俠同傻個音好接近，接近到我都分唔開呢！
讚讚
果然係高手, 好似武俠小說話齋, 對手一出招, 未等到佢招式用老, 已經揾到空門, 立即連消帶, 直入中宮, 住所有大穴.
唔係, 請大俠聽鄙人致一言 :
1) 先講令到你 “春心盪漾" 嗰單, 鄙人籍貫廣東省, 鶴山縣, 雖然小時候學過吓國語,但一向都係用粤語與他人 …. 交流. 只有在失驚無神畀人用國語問候時,才奮起抵抗. 故此呢度應該係廣府話也.請大俠放心,唔好諗過隔籬 !痞
2) 關於 “坐茶擡打牙較" 呢種小市民嘅文化活動,但凡是在舊日成西堤,什至成個南越生活過嘅唐人, 都好熟. 就講平西啦, 幾乎每個大啲嘅街口, 都有一間茶檯,而且都由海南人做老細.名為茶檯, 實則係去飲咖啡, 事關當年在越南, 叫一杯咖啡, 飲完照例有一壺熱茶送上, 重係免費, 飲晒,打開個蓋, 伙記就拎個大銅水煲加滾水, 絕冇托手爭. 而飲咖啡都要有正確嘅服飾, 姿勢 — 文化裇, 闊管長褲, 腳登木屐, 摩登啲就日本拖鞋, 踎一隻腳在櫈上,一邊打牙較, 一邊重搭嘴過隔籬檯, 一心幾用, 天文地理, 治病良方, 甚至救世策略,….盡付笑談中 !
“記唔記得學校後便間玻璃屎隔離有間茶檯呀" …
玻璃屎在書記街,獨佔一段,一邊係梅春賞街, 另一邊直到新街市橋腳,兩頭嘅對街都有茶檯, 梅春賞呢邊嗰間叫乜名,有冇一位蔣麗人喺度我都唔記過, 橋腳嗰間叫"廣南茶家", 佢對面亦有一間"富南茶家",亦冇聽過有冇蔣同學.但係在新會學校斜對面,亦係梅春賞街角有間茶檯, 是我班位女同學家裏開的,啲間就大大有名, 因為這位同學有位姊姊, 當我還是豆釘時, 已經聽到同街班大哥叫呢位大姐做 “平西張仲文". 在當時才十歲啲友仔眼中,張仲文威過瑪莉連夢露多多,至少佢講 “果如"吖嘛 !
係咁先.
讚讚
知道你唔係用「果如」叫大俠，咁，我就放心繼續春心盪漾。些些尼！
坐慣堤岸城既茶檯，叫慣左雪啡同雪底，到步香港兩日，走入茶餐廳照例叫杯雪啡，跟住打開本雜誌睇，點知個伙記仲企享度，我望一望佢，成個麥基咁，佢即刻挑機問「飲咩呀？」雪啡嘛。「咩雪啡呀？」即係…咖啡加雪囉。「加雪？…加冰係嘛？」 加兵？…係呀係呀。佢把聲越來越響「凍啡呀，唔係雪啡呀。」好好好，凍啡啦。「冇！」冇？「加陣天時冷呀，得10度呀，飲熱啦！」哦，好好好，熱啦，唔該。天時凍飲啤酒，使唔使整熱飲呀？撞著呢個麥基真係唔好彩，點解唔畀我撞見林鳳呢？
喂，鍾大哥，叫得平西張仲文，即係我地叫EE啦，仲加埋夢露罌涕，係老豆果背既sex synbol，同我地冇乜緣份，果陣時冇咁膽大包天，不過，隔多兩年，鬼大左，享美英英文書院讀，樓下間茶檯請左個EE做照待，搞到我每個鐘頭都去食野飲野，好似生積兼口腔活躍期咁。講起茶檯，又令我記返起好多野。同慶道麗都戲院側邊有條街，近海皮嗰頭，有間聰明人，個樣好酒吧，哈，我竟然喺度撞到…喂，得閒爹下茶檯野都好喎，就去你平西仲文EE嗰間啦！
讚讚
見阿侯老歹(歹者, 大也) 坐茶檯, 棟高一隻脚, 巴啦–巴啦,十分過癮, 無奈, 因為呢兩日, 同佢嘮咗一輪官話, 攪到唔只條脷硬咗, 連牙較都梗埋. 加上眼力衰退, 腦筋都黐咗, 周時執筆忘字, 個衰神電腦又唔同我呢個"領導" “高度配合", 處處同我 — 堆坐奸, 而嗰個專用嚟寫中文嘅程序又掙頭掙尾, 攪到想噴啲口水都要成個鐘頭, 非常之冇效率,冇機動性. 好似蛋家雞咁, 猛憎非常.
今日, 曆書好似話係 :宜駁嘴,尤其駁向東方有水圍之地, 咁都冇咁驚.
果然得心應手, 連字都冇乜寫錯. 連忙敲曰 :
A) (寫A, 即西學中用也)– 關於香港茶餐廳嗰位伙計"噠" 你老兄嗰單,其實點只幾十年前你老兄有此奇遇, 時至今日, 都有上演緊. 不過, 先講往事. 1978年,鄙人踎在馬尼拉難民營,有日,因幫了一位難友賣咗一個金戒指 (因鄙人識講幾國嘅半鹹淡之英文), 佢請我到唐人街 —翁彬街—食嘢. 見一間寫明是 “港式" 嘅茶餐廳,見有賣粥粉麵飯等….高興非常, 連忙入去, 事關在難民營, 日日食菲國美食 : 綠豆煮沙丁魚, 食到味蕾消失, 淡出個 “錨 …禮". 伙計來了, 朋友就叫: 一個孖麵, 一個乾撈孖粗. 伙計成個神咗 : 你話乜嘢孖粗吖, 亞生 ? 又要用我哋啲"唔鹹唔淡" 嘅廣府話嚟解釋, — 哦…! 撈麫係馬 ? 早啲講吖嘛, 亞生…!
麫來之後, 敝友一看, 到番佢神咗 — 阿伙計, 點解冇肉冇菜架 ? 連豬油渣, 菜都冇嘅 ? 鄙人低頭一望, 碗撈麫都一樣, 除咗麫, 乜都冇, 齋麵 ? — 伙計訓曰 : 你叫孖麵吖馬 ! 呢啲咪係孖麵囉 ! — 咁有冇得加啲肉同菜呀 ? — 有吖, 你要乜 ? 义燒抑或炒肉片? 加碟炒油菜好馬 ? 好靚菜心呀 ? 不過另計架喎 ! —冇熟肉,同灼生菜咩 ? — 乜話 ! 亞生, 你哋喺邊度嚟架, 食得咁奇怪架 ? 冇人食麵咁嘅款嘅吖 ! —
結果 : 兩條越南爛仔, 抱頭落荒而逃 !
而二十多年後, 有班熟人嘮埋同遊京港, 鄙人已經多口,不厭其煩咁講述自己當年之奇遇, 一班友以為我用心險惡, 危言聳聽, 一於借咗聾耳陳隻耳,當我吹緊死人笛 !!
結果 … 且聽在下道來 :
– 佢哋一大早摸起身, 落櫃檯問去食正宗早餐之處. 循址去到, 只見一店, 賣白粥, 油炸鬼, 豆精, 幾種小食.冇粉麵,雲吞,燒賣, 唔好講咖喱鷄, 腸粉, 鬆糕, 連咖啡都冇. 一問, — 哦 !飲茶係馬!(又馬!) -上茶樓啦, 不過而家未開市噃, 八,九點先開市,咁早, 淨係有呢啲架咋. 亞生, 你哋喺邊度嚟架 ? 咁早就要飲茶嘅 ?
兩個鐘頭之後, 摸上 “茶樓", 坐低之後, 向伙計訂, 訂孖麵有, 訂雲吞有….中有一人, 佢家以前在越南開粉麵檔, 非常識食.— 畀我碗 “粉麵"啦 ? 伙計立即成個神咗幾秒, 開口問曰 : 亞生! 你究竟係叫河粉呢,抑或係麵架? — -粉麵囉! —即係點呀 ? — 就係河粉同麵煮埋囉 !– 唔得喎 !我地冇咁賣架喎. 一係叫粉, 一係叫麵, 點可兩溝嚟煮唧 ! — 一番 “思想交流" 之後, 敝友便讓步, 叫咗兩碗, 一碗粉, 一碗麵, 捧來之時, 伙計大人指導曰: 嗱,兩碗啱喇嘛? 亞生你自己溝到合意為止, 慢用喇, 亞生 !!
攪到成枱人, 個個笑到胃痛 ! 而該位敝友, 就用佢嘅家鄉話嚟鬧粗口 — 佢本 “咖技能", 即潮裔人士是也 !
冇晒咖啡, 茶水亦飲清, 所以關於 B)部, 就等下回分解啦
讚讚